Параза мархий бутт чаккхбаларца Г1алг1ай Мехка Правительства кулгалхочун Чилиев Мувсай кхайкарал

«Хьамсара мехкахой - вежарий, йижарий!

Чакккхбаьлар Дала бусулба наха совгIата бенна, сийдола Параза Мархий бутт.

Дийшача наха вайна къаьгга хьагучадаьккхад цу бетта дозал, из Дала денна доаккха ниIмат хилар.

Марха къоабала хилда шун, хьийга хало Дала маьле яьзъйойла. Укх безача бетта деррига вай къам нигат чIоагIдеш, оамалаш тоаеш, вIаший Iимерза долаш чаккхдаьннад. Маьждигашка хьехамаш деш, тарахье дукха нах вIашагIбетталуш, сагIаш деш дуккха камоаршал совъйоалаш д1ийихьар вай ер еза ха.

Мархий бутт – хьаьнала, хоза ха я вочох гаьна довла а, дикангахьа сов довла а.

Даим вайца хилда везача Даьла беркат, Цун камоаршо, боаккха къахетам! Даьла раьза волаш хилда вай мел леладеш дола хIама! Дала ший дикагIа ма доахалда вай!

Марх къоабал хилда шун!»

Г1алг1ай Республика

Правительства кулгалхо                                                                                                                                            Чилиев Мувса